ORANJESTAD (AAN): Diadomingo 5 di November 2023 den Renaissance Convention Center, e organisacion di The Chaz Modeling & Talent School lo presenta un show hopi varia celebrando nan di 25 aniversario. E show lo start pa 5:00 pm.
E show lo conta cu artistanan International for di New York, Republica Dominicana, Colombia y Curacao. Lo bay tin show di moda, baile, y canto pa entretene tur esnan presente.
For di Republica Dominicana, e diseñador Neigy Alvarado lo trece su Pink Collection den Playero y Cocktail dresses, for di Colombia Veronica Angrino cu su collection di Badpak y di Aruba nos Orgullo International Gigliola Arends cu su Collection titula: “Celebration”.
Tambe nan modelonan lo desfila propio designs den diferente topiconan. For di New York lo tin Ester Lora un mucha di apenas 9 aña cu tin un trayectoria grandi caba den ramo di Modeling, Canto, Baile, Actuashon y Certamennan di belleza. For di Curacao tin e Cantante hubenil hopi reconosi na Curacao, Jada van Dijk hunto cu The Explosion Dancers. Jada ta un Modelo, Cantante y Bailarina pues un Hoben multi talentoso. The Explosion Dancers, e grupo di Baile hopi reconosi na Curacao lo tey cu un total di 32 bailarina p’asina presenta un tremendo baile.
Ademas di nos Talentonan Local Pitbull Singing Production cu lo estrena 5 produccion nobo nobo pa temporada di Pasco. Pitbull Singing Production cansualmente tambe ta celebra su 10 anniversario. Un show hopi bunita prepara pa celebra e 25 aña di existencia di e school di moda y talento The Chaz Modeling & Talent School. Nan lo cobra pa entrada.
