ORANJESTAD (AAN): Diabierna awo 23 di juli lo tin otro Rosario Bibo na kapel di Alto Vista. Lo cuminsa resa pa 7 or y mey di anochi y cada persona por presenta nan intencion personal.
Tambe lo gradici Señor pa e aña escolar cu ta tras di lomba. Pa hopi studiante un aña exitoso y pa otronan kisas un aña no menos bon. Pa esnan cu a logra lo pidi Spirito Santo pa sigui guia nan den estudio nobo of nan carera profesional.
Pa esnan cu no a logra, tene cuenta cu bida tin yen di reto y cu Papa Dios nunca ta bandona su yiunan. E tey cu nos den tempo bon y tambe den tempo dificil. Sigui pone confianza den Señor.
Ban gradici Señor tambe pa e mayornan, guianan y maestronan cu a sa di yuda nos hobennan durante e aña escolar.
Lo resa pa nos casnan famia, pa tur cu ta traha cu pasion, pa nos lidernan den sector particular y gubernamental.
Un invitacion cordial pa diabierna awo 23 di juli na kapel di Alto Vista pa 7:30’or di anochi.
