ORANJESTAD (AAN): Diego de Cuba di Sindicato Trahadornan di Aruba (STA) a reuni cu Formador di Gobierno Evelyn Wever-Croes y el a duna su declaracion riba aspectonan clave cu a wordo presenta.
De Cuba a bisa cu un di e puntonan importante cu STA a trece riba mesa ta un problematica cu ta bibando cune for di basta tempo caba na Aruba cual ta ora cu un persona ta dos aña AO pa e mesun malesa cu e ora no ta wordo cubri mas door di SVb.
Den e ley aki kier mira un cambio pasobra a ripara cu tin hende cu ta keda den un limbo ora cu e cosnan aki sosode cu nan. Si e dos añanan yega, SVb no ta cubri nan mas y si e doño di trabao no paga nan nan salario y nan ta malo na cas, den caso di malesa cronico, e ora e personanan aki no tin entrada, Diego de Cuba a remarca.
Esaki ta un aspecto cu STA ta kere cu ta sumamente importante y urgente pa bin un cambio den e ley aki pa evita cu hendenan cu malesa cronico ta cay den un situacion unda no tin entreda.
STA a haci un solicitud na Formador pa e gobierno cu ta bay sinta tuma nota di esaki y trece un cambio radical pa evita cu e situacion aki ta sigui presenta, De Cuba a declara.
