Diabierna tin Open House na e cas aki na benta na Playa

ORANJESTAD (AAN): Diabierna dia 17 October for di 10:00 am te 12:00 pm,

bo tin e gran oportunidad pa nos hendenan local, bin e Open House, y cumpra bo mesun cas.

   Un aña nobo ta drentando, y abo por haci  bo soño realidad y cumpra un cas di famia di 4 camber y 3 banjo den curazon di Oranjestad.  Convenientemente situa riba e caminda principal di Santa Helenastraat, entre rotonde Ponton y e cruzada di Wendy's dilanti Freezone.

   E ta un tereno grandi di 688m² erfpacht  y construccion di e cas ta di 203m².  E propiedad aki ta situa ideal, riba caminda grandi, den un area hopi conoci cerca di Universidad di Aruba, tambe di Xavier University, varios scol basico, Misa, complehonan Deportivo, area comercial y di Bushiri y Eagle beach.

   E cas ta diseña cu un cushina grandi, full ekipa y cu hopi claridad, e camber principal ta super  espacioso, estilo in-suite, cu hopi  comodidad y su mesun area di oficina apart. Tur camber y baño ta espacioso.

   E patio ta priva y  masha agradable, cu su bar, hopi mata bunita y cu ta duna sombra na e porch pa bo relaha.  Adicionalmente tin un studio cu baño di 20 m², y tambe un espacio apart por uza como storage.

Ademas, tin Solar-Panels instala caba!

   Si bo ta desea cumpra bo mesun propiedad, esaki ta un bon oportunidad pa abo como local inverti pa bo mes. Sea asina amable di contact e agente di real estate, Eva Wever na 560-0029 of Jennifer Figaroa na 699-8301 pa asina hunto bay wak e cas mañan Diabierna 10'or di mainta y pa nan yudabo cu tur informacion y diligencia necesario, cu banco, inspeccion y notario di bo preferencia.

  Bo tin un meta bo dilanti? Tuma e prome paso! Un bunita propiedad cu hopi posibilidad.