ORANJESTAD (AAN): Ya caba WEB Aruba NV ta cla pa inaugura nan decoracion di luz na rotonde di Kibaima riba Green Corridor,
y despues lo tin actividad Navideño dilanti tereno di WEB na Balashi mes.
Tur cos lo ta Diabierna 14 di November 2025 for di 7:00 pm pa 12:00 am. Prome ta na rotonde Kibaima pa cendemento di luznan. Despues actividad lo sigui dilanti WEB, unda tambe tin decor di Pasco, y actividad cu bendemento di obranan di man, cuminda y bebida ofreci pa e instancianan manera Centro di Bario Lago Heights, FAVI, Aruba di Antes, Mary Joan Foundation, Brazil Juniors, Ambiente Feliz, Stichting Hunto, Arubaanse Padvindsters Gilde, Sunrise City Coconut Collective, Heritage Center Club Boneriano, Dushi Carnival Group, Running 4 Life, House of Skate, Ambiente Nobo, y Trampolin pa Trabao.
Pues acudi pa aporta na causanan caritativo. Musica lo ta den man di Grupo di Betico y Gaita Las Unicas.
