Celebrando 55 aña di CB Noord
ORANJESTAD (AAN): Den celebracion di Centro di Bario Noord su di 55 Aniversario, Centro ta completamente cla pa nan tan spera evento di Speurtocht.
CBN ta invita un y tur pa bin siña algo di Noord y pasa pret. Cera boso grupo di famia, grupo di bario, grupo di trabou, grupo di maestronan, gruponan di amigonan of otro gruponan social.
Corda cu Speurtocht ta yudabo stimula e mente, ta reforza e contacto cu comunidad, y bo ta yega na celebra e logro special aki hunto.
E evento mes ta start na Centro di Bario Noord, riba Diabierna 26 di September 2025. Ya for di 6:30 pm ta cuminza registra tur hende cu a inscribi di antemano via e website aki:
Corda inscribi bo grupo via e website ey. E deadline pa registra ta Diahuebs 25 di September 2025.
Informacion importante: E grupo por consisti di entre 5 pa 7 persona. Edad minimo ta 8 aña pa por participa. Cada grupo mester minimo 2 persona di 16 aña bay ariba. Si tin mucha bou di 16 aña mester tin minimo 1 persona di 18 aña bay ariba.
Bo por paga pa participacion via transfer electronico tambe, y e informacion ey ta poni riba e website menciona eyriba.
Lo cobra un contribucion di diez Florin pa persona. Lo tin diferente premio pa cada grupo, por ehempel grupo ganado, grupo miho anima, grupo miho uniforma.
Aunke inscripcion via website ta asina facil, toch DIARIO a compronde cu nan ta bay organisa un anochi pa inscripcion pa esnan cu no ta logra registra online, keda pendiente!
Pa esnan cu kier bin goza di e cushina bon surti y nos bar, pero no ta logra participa den e Speurtocht nan lo tin mesa di domino, weganan di tur tipo riba mesa, y tambe tin mesa di ping pong.
