ORANJESTAD (AAN): Competencia di hisamento di Fli ta ser prepara pa e fin di siman aki, y cu ta wordo organiza pa Arubacuracao Kite Flyers.
E prome evento lo ta Diabierna 28 di April 2023 pa Fli cu Luz. Esaki ta fli di 1.00 meter te cu 5.00 meter. E competencia lo ta for di 6:00 pm bay te cu 11:59 pm.
Siguiente evento ta Diasabra 29 di April 2023, for di 10:00 am te cu 6:00 pm. Lo tin Fli Categoria A ‘High Flyers’ di 1.00 meter te cu 2.00 meter. Tambe Fli Categoria B ‘Showtime’ di 2.15 meter te cu 3.00 meter.
Ultimo dia ta Diadomingo 30 di April 2023 for di 10:00 am te cu 6:00 pm. Lo tin Fli Categoria C ‘Next Level’ di 3.15 meter te cu 4.00 meter. Tambe Fli Categoria D ‘Extreme’ di 4.15 meter te cu 5.00 meter.
E eventonan aki lo ta na Pepsi Baseball Field San Nicolas, cu ta keda net riba Juwana Mortostraat.
