ORANJESTAD (AAN): Diabierna 25 di april ultimo, den presencia di Gobernador di Aruba,
Su Excelencia Alfonso Boekhoudt, a tuma luga e “Oranjeviering” anual na e Ballroom di Aruba Marriott Resort.
E aña aki tabata un celebracion extra special, cu atencion pa e personanan na Aruba cu den pasado a ricibi un Distincion Real. Mas cu 175 condecorado, incluyendo un señora di 97 aña, a registra pa asisti na e anochi aki.
Cu su discurso, Gobernador Boekhoudt a rindi un homenahe na tur e condecoradonan, enfatisando riba nan compromiso y dedicacion sin ningun interes personal. Tabata un anochi caluroso y bunita, yena cu aprecio unda, segun Gobernador, e ‘crème de la crème’ di nos sociedad a wordo pone den e spotlight.
Potret: © Kabinet Gouverneur Aruba
