Diabierna a inaugura luznan di Fantasia di Pasco di WEB Aruba NV

ORANJESTAD (AAN): Un multitud di hende a aglomera Diabierna anochi tanto cerca di rotonde di Green Corridor na Kibaima, y despues dilanti plaza dilanti WEB Aruba NV.

   Asina nan a inaugura nan decoracion di luz pa temporada aki.  E evento tabata di 7:00 pm te cu 12’or di mey anochi, y tabatin aglomeracion di hende.

   Prome a enfoca tur cos na e rotonde Kibaima pa cendemento di luznan.  Despues actividad a sigui dilanti WEB, unda tambe tin decor di Pasco, y actividad cu bendemento di obranan di man, cuminda y bebida ofreci pa e instancianan manera Centro di Bario Lago Heights, FAVI, Aruba di Antes, Mary Joan Foundation, Brazil Juniors, Ambiente Feliz, Stichting Hunto, Arubaanse Padvindsters Gilde, Sunrise City Coconut Collective, Heritage Center Club Boneriano, Dushi Carnival Group, Running 4 Life, House of Skate, Ambiente Nobo, y Trampolin pa Trabao.

   Pues acudi pa aporta na causanan caritativo.  Musica lo ta den man di Grupo di Betico y Gaita Las Unicas.  E luznan tabata bunita y publico a saca potret sin fin e anochi aki.