Diabierna 8 di September: un dia glorioso pa Universidad di Aruba celebrando 35 aniversario

ORANJESTAD (AAN) – Diabierna 8 di September 2023, tabata un dia grandioso pa Universidad di Aruba, cu celebracion di su 35 añanan di existencia.

Su rector Prof. dr. Viola Heutger, y Cuerpo di Docente tabata sumamente contento y gradici pa locual Universidad di Aruba a logra den e transcurso di su 35 añanan di existencia, y plannan cu tin pa futuro.

Un dia den cual a recorda con Universidad a nace, 35 aña pasa, y con el a crece den e transcurso di e añanan te awo, formando profesionalnan cu ta eherce nana profesion na Aruba y den exterior.

Mas di 1500 diploma Academico a wordo otorga na studiantenan cu a kere den nos Universidad, cual ta mira cu wowonan skerpi pa futuro, na un forma hopi positivo, papiando caba di expansion y programanan nobo, y partnernan nobo den futuro cercano, pa brinda mas y mas posibilidad na nos hobennan y esnan “young heart”. DIARIO ta yama UA pabien y exitonan sin limite den e siguiente stapnan.