Lema 2022: Revitalizacion: accion colectivo pa e Oceano!
ORANJESTAD (AAN) – E Dia Mundial di e Oceanonan, cu ta wordo observa tur aña riba Dia 8 di Juni, ta recorda na henter humanidad su importante papel den e bida diario.
E lema pa aña 2022 ta “Revitalizacion: accion colectivo pa e Oceano”. Kiermen, mester di un accion conhunto di tur poblacion, pa rescata nos oceanonan y lama.
E oceanonan ta conecta y sostene e poblacion mundial; nan ta e pulmonnan di nos planeta Tera. Nan ta un fuente importante di alimento y remedi, nan ta e fuente principal di proteina pa mas di mil miyon di persona na henter mundo y nan ta un parti fundamental di e “biosfera” (e capa di Planeta Tera unda e bida ta desaroya su mes).
Esaki sin menciona cu e oceanonan ta resulta clave pa e economia mundial, ya cu segun e Organizacion di Nacionnan Uni, ta wordo calcula cu pa aña 2030, lo tin alrededor di 40 miyon di trahado den henter e sector relaciona cu e oceanonan.
Degradacion:
E oceanonan, lama y su recursonan ta obheto di menaza, degradacion y destruccion cada bez mas grandi, debi na practicanan insostenible, locual ta reduci su capacidad di ofrece servicionan eco-sistematico, esencial. E combinacion di e accion robes di e ser humano y e cambio climatico ta representa un peligro grave pa e salud di e oceanonan, fundamentalmente pa tres motibo:
- E aumento di e temperatura. 2. E aumento di e nivel di lama y e acidificacion di su awanan, cu ademas ta inter-relaciona.
Segun e Organizacion di Nacionnan Uni, e oceanonan ta absorbe alrededor di 30% di e dioxido di carbon produci pa e sernan humano, pa amortigua e impactonan di e calentamento global. Di hecho, e informe di UNESCO publica na April 2021, ta mustra cu sin un proteccion adecua di e oceanonan, su papel crucial den e control di e clima lo por disminui den futuro.
Oceanonan saludable, planeta saludable:
Sinembargo, e kimamento di combustible fosil cu e consecuente aumento di e nivelnan di efecto invernadero den e atmosfera, ta altera e composicion kimico di e awa den e oceanonan door di e absorcion, provocando su acidificacion. Di otro banda, e mesun gasnan di efecto invernadero, no solamente ta aumenta e temperatura global di e planeta, tambe di e oceanonan cu, hunto cu e cambionan den nivel di e bientonan, ta provoca e alteracion di e corientenan oceanico. Na esaki mester suma e hecho cu ora e glaciarnan ta diriti door di e temperatura, alavez ta provoca cu e awa di e oceano sigui keinta y ta aumenta su nivel, local den conhunto, ta representa un amenaza grave pa e ecosistemanan y e bio-diversidad.
Otro punto cu ONU ta menciona y cu mester tene cuenta cune, aunke no ta relaciona cu e cambio climatico, pero si cu actividadnan di contaminacion di e oceanonan crea pa hende. 80% di e contaminacion di e oceanonan ta causa door di e sernan humano. Ocho miyon di tonelada di plastic pa aña, ta caba den e oceanonan, causando estrago den e bida silvestre, pesca y turismo. Pero e plastic no ta e unico culpable cu e oceanonan tambe a bira dumpnan grandi, en realidad e gran culpable ta e hendenan mes, pues cada seconde di doscien kilogram di sushi, ta bay para den e oceanonan, locual a provoca, incluso, e formacion di “islanan” di contaminacion den lama y e oceanonan. Logrando un oceano saludable, ta logra un planeta saludable!
