Charlene Croeze-Theysen di TOPA:
ORANJESTAD (AAN): Awe dia 8 di maart dia di reflexiona riba e lucha cu a wordo hiba pa muhernan balente.
Dia Internacional di Hende Muher, 8 di maart, honrando e logronan y promoviendo e derechonan di hende muher, celebra den hopi pais na mundo, y patrocina pa United Nations desde 1975.
Charlene Croeze-Theysen, Secretario di Actas na Sindicato TOPA, a relata cu e Dia Internacional di Hende Muher a surgi di e esfuersonan na comienso di siglo 20 pa promove e derechonan di e ser femenino, specialmente e derecho di voto. Den e camparia di derecho di voto aki, na aria 1909, e partido Socialista na Merca, a tene nan prome Dia Nacional di Hende Muher, cu encuentronan masivo na henter e pais, cu a tuma lugar to cu aria 1913.
Tur esaki, marcando e 50 aña di e protesta brutal di e hende muhernan na New York City, trahando na fabricanan di palm y tela, bringando pa nan derecho igual di pago y horario di trabou.
Encurasha pa e activista Aleman, Clara Zetkin, e Congreso Internacional di Socialista a bai di acuerdo na 1910 pa crea un version internacional di e dia di fiesta Americana. Y asina dia 19 di maart 1911 e profile dia Internacional di Hende Muher a wordo celebra na Austria, Denmark, Alemania y Switzerland. Mas cu un miyon persona a atende e encuentronan cu a marca e dia. Durante e siguiente afianan e Dia Internacional di Hende Muher a sigui wordo celebra den mas pais y riba diferente fechanan. Dia 8 di maart 1917, hende muhernan na St. Petersburg na Russia, a marca e dia, door di organisa un welga pa protesta e falta di cuminda, mal condicion di bida y e prome guera mundial.
E welga di "pan y paz" aki a yuda e revolucion rusiano crese, cu e consecuencia cu a baha Nicholas II for di su trono dia 15 di maart. Na 1921, e fecha official di Dia Internacional di Hende Muher a wordo cambia pa dia 8 di maart.
Cu e crecimento di femenismo den añanan 1960 y cu e patrocinio di UN na 1975, awendia e dia aki to un ocacion importante pa promove e ser femenino su problema- y derechonan.
Croeze-Theysen a finaliza bisando: “Mi kier a desea tur Hende Muher, hopi perseverancia y principalmente stima bo mes.”
