ORANJESTAD (AAN): Conforme articulo 16 inciso 4 di e Ordenansa Electoral, e Presidente di Hoofdstembureau ta participa lo siguiente.
Entregamento di lista pa e partidonan politico lo tuma lugar diabierna 18 October 2024. Segun articulo 16 inciso 2 di e Ordenansa Electoral por haci esaki den dos manera, den forma digital of personalmente.
Informacion general: E entregamento di e lista di candidato (kandidatenlijst) lo mester sosode entre 9:00 am y 4:00 pm.
E formularionan cu mester worde yena y entrega dia di entrega di lista lo ta disponibel di antemano riba e website:
Tambe ta pidi pa yena e declaracion di escogencia di color (si e partido ta desea esey) si acaso esaki lo worde usa riba e stembiljet. Conforme articulo 30 inciso 2 di e Ordenansa Electoral e colornan lo worde publica mas tarda 4 di October 2024.
Entregamento den forma digital: E apoderado (suplente) di e partido politico mester manda e lista di candidato diabierna 18 oktober entre 09:00 or cu 16:00 or na e e-mail: This email address is being protected from spambots. You need JavaScript enabled to view it.
Conforme articulo 19 inciso 3 jo. articulo 20 di e Ordenansa Electoral, mester entrega e siguiente informacion por escrito na Hoofdstembureau dentro di 24 ora cu a haci e entrega di lista digitalmente: (*) Declaracion individual di cada candidato cu nan ta bay di acuerdo cu ponemento di nan nomber ariba lista di candidato. (*) Comprobante di pago na Departamento di Finanzas di un suma di 1.000 Florin. (*) Un pasfoto blanco cu preto di 4 pa 6 cm, dunando un bista claro y igual di e candidato postula mas halto ariba e lista di e partido.
Den e caso aki articulo 132 di e Ordenansa Electoral ta aplicabel.
Pa entrega personal: Lo tene un tiramento di lot lo determina e horario cu cada partido politico lo entrega nan lista. Lot lo wordo tira dia 11 October 2024 pa 10:00 am na Schoolstraat 2, Hotel California. E apoderado (suplente) of lider di partido por ta presente pa cu esaki.
Diabierna 18 di October 2024 e apoderado (suplente) di e partido politico ta haci entrega di e lista di candidato riba e orario cu a worde stipula. Un candidato of lider di partido tambe por ta presente durante e entrega aki. E entrega lo tuma lugar na Schoolstraat 2, Hotel California.
Conforme articulo 19 jo. articulo 20 di e Ordenansa Electoral hunto cu e lista mester entrega, lo siguiente:
Declaracion individual di cada candidato cu nan ta bay di acuerdo cu ponemento di nan nomber ariba lista di candidato: (*) Comprobante di pago na Departamento di Finanzas di un suma di 1.000 Florin. (*) Un pasfoto blanco cu preto di 4 pa 6 cm, dunando un bista claro y igual di e candidato postula mas halto ariba e lista di e partido.
Ademas di e anuncio aki, e apoderado di cada partido politico, kende ta conoci na Hoofdstembureau cu lo participa na e eleccion 2024, lo ricibi un carta di Hoofdstembureau den cual lo menciona detayadamente locual a worde describi den e anuncio aki.
