ORANJESTAD (AAN): E siman venidero, 14 miembro di team St. Paulusschool lo ta biahando den nan vakantie di October pa Estonia
cu asistencia di Erasmus+ y SKOA pa asina experencia di cerca uso di tecnologia den scol y avancenan tecnologico den e pais.
DIARIO a compronde cu e docentenan lo haci ‘job shadowing’ na Kohtla-Järve Slavic Primary School y lo sigui charlanan di sosten na E-Estonia Briefing Center, e-Governance Academy y un workshop na Tallinn University.
Aparte lo haci bishitanan na diferente museo y lo tin intercambio cultural na 2 diferente ocacion. Asina nan ta sigui traha na aumenta y refina nan conocemento.
