ORANJESTAD (AAN): Riba Diaranson anochi pa 8:09 pm, un temblor a keda registra den area zuidwest di Aruba.
Su magnitud tabata na 2.9º riba Scala di Richter.
E epicentro a wordo localiza na 11.90º Nort y 70.26º West. Esaki ta como 70 km zuidwest for di San Nicolas, Aruba. E ta similar cu 25 km Noord-Noordwest di Punto Fijo, Venezuela.
E epicentro tabatin un profundidad di 27.9 kilometer.
Esaki a bira e di tercer temblor registra den 4 dia di tempo. E prome dos tabata riba Diadomingo 25 di April, y e di tercer ta Diaranson 28 di April.
DIARIO a nota cu tabatin uno mas cu a keda registra zuidwest di Aruba, pero esey ya ta mas cu 100 km leu, den Golfo di Venezuela.
