Di e forma unico aki Abraham de Veerschool a observa Dia di San Valentino

ORANJESTAD (AAN): Docente- y alumnonan di Abraham de Veerschool na San Nicolas e siman aki a sinti extra calor, sonrisa,

y momentonan sincero, ora cu nan a ricibi un regalo bunita pa celebra Dia di Amor y Amistad cu tabata weekend pasa.

   Riba e prome dia di scol, esta Diamars, e alumnonan a nota cu e gestonan chikito aki a bin di mas profundo di curazon di directiva di scol.  E alumnonan ta e motibo pakico semper e tereno di scol ta yen di alegria, soño, y speranza.  E docentenan ta e lusnan cu ta guia, nutri, inspira, y cada dia ta duna forma na futuro.  Hunto nan ta crea e espirito cu ta haci cu e scol aki ta asina special.

   Abraham de Veerschool ta aprecia cada un di nan alumno- y docentenan, y ta gradici nan pa nan dedicacion, amabilidad, y e amor cu nan ta aportando na e comunidad escolar aki.  Sigur, un bunita forma pa bisa otro, Happy Valentine’s Day.