Alumnonan di scol a bay bisti cu moda estilo aña 2000

ORANJESTAD (AAN): Recientemente e alumnonan di Mon Plaisir College HAVO y VWO tabatin un Siman Creativo,

y riba e ultimo dia di esaki, nan a bin cu un ‘comeback’ fenomenal di pasado.  E tema tabata ‘Back to the 2000s’, y riba e dia aki e alumnonan no mester a bay cu uniform.

   Nan a bin bisti cu carson cu no ta bay hopi halto riba nan cintura, tambe shirt y blusanan estampa hopi atractivo, y varios imagen retro.  El a pone tur hende bay bek dos decada atras, y hopi a puntra ta di unda e pañanan aki a bin, pues lo tin hende tin nan warda ainda den cashi.

   Sin duda alguno, e organizadornan ta contento y ta duna danki na tur studiante cu a participa, y cu a haci e Siman Creativo asina dibertido.  Pa otro aña nan lo bay ripiti algo similar.