Di e forma aki Abraham de Veerschool a honra nan docentenan

ORANJESTAD (AAN): Na final di 2025, directorado di Abraham de Veerschool MAVO na San Nicolas, a opta pa entrega un cariño chikito di aprecio na e docente- y staf di e scol.

   Directora Jane Hooft-Bueno tabata yama cada persona bay dilanti pa asina busca nan regalo colga den e bunita Kerstboom di scol.  Di e forma aki a gradici cada uno pa nan dedicacion, amor, y pasenshi sin fin ta dunando les aki.

   E regalo tabata pa mustra cu den bista di directorado, cada trahador ta haci un diferencia tur dia.  Aki por mira algun di e docentenan feliz y contento cu nan regalito.

   Na final, directora Hooft-Bueno a desea cada uno un feliz dianan di fiesta, y di awor caba ta spera cu nan lo tin un 2026 hopi bendiciona.