Despues di cuatro aña atrobe lo tin Open Dag na Marinierskazerne

ORANJESTAD (AAN): Marinierskazerne na Savaneta un biaha mas ta habri su portanan pa publico riba 1 di mei 2023.

   Despues ku pa 4 aña largu no por a tuma lugar e Open Dag aki, porfin a yega asina leu atrobe. Tur hende ta bon biní pa bin tira un bista entre 10:00 am te cu 4:00 pm

   Na Marinierskazerne lo tey tambe e socionan den seguridad, tal manera Wardacosta di Caribe Hulandes, Cuerpo Policial Aruba, Cuerpo di Bombero, y Bureau Rampenbestrijding Aruba lo tey presente henter dia.

   Durante e Dia Habrí lo por mira diferente demostracion di tanto Marina Real como tambe di e sosionan den seguridad. Bishitantenan por come algo na e ‘foodcourt’ nan y cana keiro rond na e diferente tentnan di e mercado. Tambe lo tin un ‘Superlottery’ cu bunita premio. E recaudacion di e rifa ta bay pa dos organizacion caritativo, entre otro: “Trampolin pa Trabao” y “Fundashon Muchila Creativo”.

   E emisornanan CoolFM y FreshFM lo proporciona musica ‘live’ na e lugar durante e Dia Habri.