Meverly Romano, PR DIMP:
ORANJESTAD (AAN) – Hopi hende a gusta e sistema introduci algun tempo pasa, ora cu bo ta paga poco-poco pa algun luna, y asina logra cera e placa di Impuesto di Motor na DIMP, sin hopi dolor di cabez.
E biaha aki, Meverly Romano, Relacionista Publico di Departamento di Impuesto (DIMP), a declara cu nan ta preparando pa habri e pagonan di impuesto riba number di auto pa 2023.
Esey ta nifica cu desde final di September, tur contribuyendo por cuminza haci pago caba riba nan belasting di aña 2023. Nan por cuminza paga di September te December, kiermen tin cinco luna prome cu e deadline di 31 di Januari.
El a indica cu, manera ta conoci, DIMP tin su sistema di pago parcial, kiermen cualkier contribuyente por parti e suma den e cinco lunanan aki, vooral esnan cu tin mas cu un vehiculo.
E companianan tambe, nan ta parti e suma di belasting cu nan tin cu paga, kiermen di aworaki pa fin di Januari, nan por cuminza haci nan pagonan parcial tiki tiki. Aworaki, nan por cuminza reserva e placa, pa nan ta sigur e ora ey cu ora 31 si Januari yega, nan tin paga e belasting completamente. Antes nos tabata habri e posibilidad di pago na comienzo di December, habrie un par di luna prome, pero awo for di September, nos ta anuncia cu e pagonan di belasting di number di auto, ta wordo acepta.
