“Roxy Mi Dushi Bida”
ORANJESTAD(AAN): Dialuna Denise de Jongh Rekwest a lanza su buki nobo yama Roxy Mi Dushi Bida.
E escritor a splica cu esaki ta e di 19 buki cu el a skirbi.
Mayoria di su bukinan tabata riba etiquette, norma y balor.
“Mi a bin specialmente pa e festival di buki di Biblioteca Nacional di Aruba, pa mi participa na henter e siman di buki, segun Rekwest, kende a splica cu tur aña e ta presenta un buki pa e siman di festival di buki y cu e ta saca e buki na Papiamento di Aruba y ta regala e buki na tur scol basico di nos isla.
El a splica cu e bukinan a bay caba pa SKOA, DPS y scolnan special, mientras cu den e dianan aki e lo pasa tambe pa Imelda Hof pa trece buki pa nan.
“Mi ta regala buki na scolnan, pasobra ta hopi importante pa nos motiva muchanan pa nan lesa”.
E buki Roxy ta amplia nan vocabulario y ta hopi bon pa e idioma tambe, segun Rekwest.
https://diario.aw/categories/noticia/general/denise-de-jongh-rekwest-a-lanza-su-buki-nobo#sigProIdccb0caa46e
