Animal Shelter Aruba a tene Open Dag pa recauda fondo

ORANJESTAD(AAN): Recientemente Aruba Animal Shelter a tene un Open Dag pa recauda fondo,

  pa por cumpra tur e necesidadnan pa e bestianan, incluyendo cuminda y tambe pa yuda ora cu mester paga cuenta di e veterinario cu ta trata e bestianan.

Pa e motibo ey Animal Shelter a tene un raffle grandi, unda cu hendenan por a gana un tour cu Jolly Pirates, esta un Sunset Cruise di 24 persona cu open bar y cuminda.

Tur esnan cu a participa na e raffle por a gana tur tipo di otro premio tambe, manera celularnan y vouchers a bay come na restaurant.

Tabata tin tambe un vlooienmarkt, tur cos pa yuda recauda fondo pa e bestianan den necesidad wordo yuda.

Riba e open dag tur hende a pasa bon, unda cu tabata tin tur tipo di cosnan di come y bebe.