Den pleno ehecucion di otro programa exitoso pa hobennan na Centro di Bario Lago Heights

Fundacion Lead By Design y CEDE Aruba:

ORANJESTAD (AAN): Fundacion Lead by Design den colaboracion cu CEDE Aruba ta den pleno

ehecucion di otro programa exitoso pa hobennan. E biaha aki, a toca turno pa Centro di Bario

Lago Heights, unda un cantidad di 19 participante entre edadnan di 16 pa 19 aña ta na un

crusada cu ta provee un direccion clave pa nan bida.

            Un crusada caminda e hoben ta ricibi hermentnan vital cu ta contribui na e descubrimento di nan

identidad. Nan ta siña conoce nan mes miho, nan pakico y claridad riba e miho direccion pa

tuma, alinea cu nan proposito. Subrayando asina tambe nan donnan y talentonan unico, liga na

nan proposito. Pa asina logra ubica e hobennan riba e caminda di exito pa loke ta trata nan

proposito individual, como persona, como profesional y como ciudadanonan integral capaz di

prospera den cada area di nan bida.

            Topiconan cu Fundacion Lead by Design ta dunando durante e programa di Centro di Bario

Lago Heights ta:

* ⁠Kico ta temperamento di hoben

* Aplicando sistema di Smart Goals riba bo presupuesto

* ⁠E importancia di un nutricion saludabel

* ⁠Planea manera un Pro

* ⁠Profile Matching

* ⁠Funstacle

            Danki na Cede Aruba, Setar NV, Frasa Trading y Elite productions kendenan ta haci e Youth

program posibel pa asina hobennan - nos futuro lidernan mes, por a participa y ricibi e tipo di

contenido aki 100% gratis.