Errol de Freitas di SNBA
ORANJESTAD (AAN): Errol de Freitas di San Nicolas Business Association despues di a reuni cu miembronan di partido PPA a indica cu e reunion tabata uno sumamente interesante y fuerte, manera a wordo presenta pa e lider di e partido oranje, Otmar Oduber.
De Freitas a indica cu a yega momento pa papia di lo cual ta necesario pa San Nicolas, debi cu por mira cu San Nicolas mester tuma su posicion dentro di e scope economico, financiero y social di e isla.
“E reunion tabata hopi fuerte pasobra tabatin diferente intercambio di idea, pero lo cual nos ta haya hopi interesante ta cu e Synergia cu nos ta trahando riba dje ta hopi bon”, Errol de Freitas a indica. E ta bisa esaki mirando cu hopi di e puntonan presenta por a wordo mira tambe den e rapportnan presenta pa PPA.
Esey, segun de Freitas, SNBA cu a cuminsa traha riba nan mes riba algun desaroyo, hibando e vision di San Nicolas, por wak cu partido PPA ta hopi leu y organisa den esaki.
Un di e puntonan riba cual tin Synergia ta esun di haci di San Nicolas e capital Arubiano di herencia y cultura. Durante e ultimo aña aki SNBA a bin ta presionando riba esaki y pidiendo gobierno di Aruba pa esaki unda cu nan kier pa San Nicolas wordo declara e Cultural & Heritage City of District di Aruba.
SNBA a gradici PPA pa e reunion pa cual lo tin un follow-up.
