Den forma tremendo a celebra Dia di Prensa

ORANJESTAD (AAN):  Dia di Prensa a wordo celebra na Aruba y manera ta un tradicion caba,

medionan di comunicacion na Aruba ta haya bishita di representantenan di companianan, departamentonan y institucionnan cu ta stakeholders den loke ta e area comercial, pero tambe esnan cu ta bira partner den suministra informacion pa comparti cu comunidad.

            Pa tur cu ta traha na DIARIO, tabata un placer di por a ricibi nan bishita, pero na mesun momento ta algo masha aprecia.

            Trabao di prensa ta keda semper un reto den un sociedad cambiante. Pero cu e sosten di comunidad y di tur e partnernan aki, e trabao ta bira uno mas facil pa realisa y sigur uno cu ta motiva prensa masha hopi mes pa por sigui brinda comunidad e informacion cu nan merece.

            Di parti di gerencia y staff di DIARIO, masha danki pa e sosten di semper!