WILLEMSTAD: E aerolinea Delta Air Lines lo cuminza bay bula bek pa Curaçao, despues di un ausencia di mas di 13 aña.
E lo cuminza bula riba e ruta di Atlanta pa Curaçao entrante 16 di December 2023.
Usando nan posicion lider na nan hub di mas grandi na Merca na Atlanta, Delta lo bay bira e unico aerolinea cu ta suministra vuelo directo pa Curaçao di e ciudad aki, y lo bay permiti clientenan di mas di 100 ciudad rond Merca haya acceso na e isla aki via di e hub na Atlanta.
Nan lo bay usa un Boeing 737-800 pa bula pa Curaçao, y esaki ta inclui First Class, Delta Comfort+, y e cabina di economy. Di e forma aki, Delta Air Lines ta uni cu otro aerolineanan manera jetBlue y American Airlines pa ofrece vuelo directo pa Curaçao.
