ORANJESTAD (AAN): E ta un di e weganan di mas popular di Lotto, unda cu bo ta djis escoge un number consistiendo di cuatro cifra, y agrega un signo zodiacal na dje y bo ta cla pa hunga.
Esey ta loke Delphino a haci tambe, y el a pasa na tres diferente rebendedor pa asina cumpra su ticketnan. Suerte a acompañe e biaha aki, ora el a mira cu su number a sali ganador.
Pesey riba Dialuna el a acudi na oficina di Lotto na Playa pa asina reclama su premio. Aki nan a revisa su ticketnan pa check si el a pone su firma tras di cada uno, y ora cu a scan e barcode, tur a confirma cu el a gana pa sorteo di Zodiac Merdia. E total a bira un premio di 160.000 Florin.
Mesora a sigui cu e proceso pa transferi e premio electronicamente pa su cuenta di banco. Delphino a cumpra su ticketnan ganador na RS Lottery, Sue-Mar Lottery, y Lucky Angel.
