Defensa Hulandes ta cla pa temporada di horcan

ORANJESTAD (AAN): Defensa Hulandes a keda cla cu un sesion largo ultimo simannan na Islanan Ariba,

pa asina na ta full cla pa e temporada di Horcan cu ya caba a drenta na vigor.

   Na e islanan di St. Maarten, Saba, y St. Eustatius a haci e training pa simula e pasada di un horcan, y pa nan por establece con ta bay comunica cu otro despues cu e mal tempo a destrui tur cos.

   Pa esey mes, e militarnan di ‘Verbindingsdienst’ a bin den accion durante e training.  Prome cu horcan subi tera, nan ta prepara e conexion, y despues cu horcan a caba di pasa, nan lo keda mantene e comunicacion aki cu ta bay bira hopi importante.  Nan ta usa antenna special cu ta comunica cu satelitenan militar.

   Pa Defensa Hulandes, comunicacion ta primordial, debi cu comunicacion ta di gran balor pa bida, y e unidad di Verbindingsdienst lo bay ta semper cla pa ora di Horcan.