ORANJESTAD (AAN): E presencia di barco di Defensa Hulandes den Caribe, ta sigui yuda den e lucha pa combati narcotrafico y ta haci uso di barconan sofistica, como tambe speedboat full equipa, y helicopter cu den un frega di wowo por lanta vuelo.
Pero pa bo por maniobra cu precision milimetrico un Patruyero OPV (Ocean-Going Patrol Vessel) di 108 meter largo ta un reto completo.
Bon mes cu e barconan Hulandes ta bon equipa cu personal bon entrena, y equiponan bon manteni pa haci esaki na un forma safe y sigur.
E barconan OPV di Marina Hulandes den Caribe, ta wordo usa pa e.o., operacionnan anti-droga, pero tambe por asumi otro tipo di tarea, entre otro yuda Guardacosta di Caribe Hulandes rond di e islanan ABC.
