Defensa Hulandes a haci training na Isla Ariba

ORANJESTAD (AAN): Diamars cu a pasa tabata e prome dia oficial pa Temporada di Horcan 2021.  Y riba e mesun fecha ey, Defensa Hulandes a cuminza haci training na islanan di St. Maarten, Saba, y St. Eustatius

pa e personal ta bon na altura kico nan funcion ta den caso di un emergencia debi na Horcan.

   A haci training cu e movimento logistico di e barco Zr.Ms. Pelikaan, y a haci uso di e ingenieronan di Genie di Defensa, pa mira con ta atende cu e infrastructura afecta.

   Pero ademas di djis training, e personal di Defensa ta yuda cu bon meta tambe.  Asina e Marinier y Militarnan di Compagnie in de West, a haci e lugar limpi unda antes tabatin un zoologico.  Hopi sushi cu tabata benta riba e tereno, a wordo kita.  Pasobra den un Horcan, e sushi aki por bira un proyectil peligroso cu por dal den cas of mata hende.