ORANJESTAD (AAN): Aña pasa Banco di Caribe a introduci su Mastercard Debit Card. E tarheta di debito nobo ta uno moderno,
y ta conta cu sosten di e plataforma di Mastercard y di Maestro pa e cliente por haci tur transaccion cu e ta custumbra cu’ne; swipe y lanta cen rond mundo uzando e fondonan cu e tin riba su cuenta coriente of di spaar.
Adicionalmente, e tarheta nobo tin e opcion cu chip y ta programa pa haci transaccion na un distancia cortico, estilo di ‘Tap-and-Go’, na un machine di pago.
Nota Importante:
Banco di Caribe ta pidi clientenan cu a ricibi e tarheta y no a activa esaki ainda, pa haci esaki prome cu 15 di juli 2021 pa por sigui haci uzo di e servicionan di ATM y mashin di pago.
Tuma nota cu despues di e fecha menciona lo blokia tur tarheta di debito bieu di Banco di Caribe cu ta activo ainda.
Ta sumamente importante pa activa e tarheta nobo, pa evita in cumbiniencia. Ta pidi cooperacion di tur cliente na Aruba, Bonaire y Curaçao.
