ORANJESTAD (AAN): Prome Minister Evelyn Wever-Croes a remarca cu e definicion di e palabra nepotismo ta uno cu tur hende conoce.
El a referi akinan na e decision di Rocco Tjon como minister di Husticia y di su casa Vanessa Tjon-Kock, Alto Comisario di Polis.
Wever-Croes a splica cu esaki tabata nan decision pa asina kita tur impresion cu por tin di conflicto di interes cu un minister y cu su casa ta hefe di un departamento asina importante.
"Pa evita esey e decision a wordo tuma, pero tabata nan decision pa tuma pa asina por duna trankilidad den e gabinete. Normalmente ora cu nos ta anuncia minister nos no ta anuncia kico ta pasa cu nan casa. Pero den e caso aki, door cu mi a ripara mi ta kere door di tanto spera hopi hende ta bira ansioso y ta cuminsa specula, mi a dicidi cu nos ta bisa esey di biaha kico a wordo dicidi. Si nos no a tuma e decision aki, e critica lo a bin con nos ta haci algo asina", e mandatario a expresa.
