Entre mas persona recupera menos caso activo - ORANJESTAD (AAN): Departamento di Salud y Crisis Team a informa cu segun resumen 46 persona a recupera y un total di 19 caso nobo di COVID-19 a keda registra cual 3 ta no-residente y 16 ta residente.
Diasabra a raporta 57 persona recupera, un total di 35 caso nobo (5 no residente y 30 residente) y 377 caso activo.
E cifranan aki ta representa un 'Positivity rate' bou di residentenan di 13%. E cantidad di casonan activo di COVID-19 ta 350 y cantidad di fayecidonan relaciona cu COVID-19 ta 155. Diasabra a informa di un persona cu a fayece.
Datonan ta ilustra casonan nobo di COVID cu un average semanal di 33 caso pa dia y un averahe di 'positivity rate' semanal di 15% pa dia.
Actualmente na Aruba tin 36 persona interna debi na COVID di cual 9 ta den ICU y 27 riba piso general y na Colombia tin actualmente 25 persona den Cuido Intensivo.
