Parlamentario Dangui Oduber (MEP):
ORANJESTAD (AAN): Durante campaña nos a informa comunidad cu awor cu e situacion financiero na AZV a drecha tin espacio pa duna bek y tin espacio pa para e cobransa di remedinan positivo na pensionadonan.
Ta p'esey na december 2024 nos a tuma e decision aki pa asina AZV por haci tur e preparacionnan y cambionan necesario. Lamentablemente e proceso a tuma mas tempo di loke nos a pensa pasobra e intencion tabata pa entrante 1 di maart 2025 esaki drenta na vigor.
AZV a informa cu e tin “retraso” cu e ehecucion y pesey a cambia e fecha y awor e fecha nobo lo bira 1 di mei 2025.
Mi ta contento cu nos por a tuma e decision aki pa trece alivio pa nos pensionadonan y sigur kier a disculpa pa cu e esaki. E tabata un condicion imponi pa gobierno di Hulanda durante pandemia pa Aruba por a haya e prestamo di Afl. 916 miyon. Cu esaki nos a priminti cu nos lo percura pa kita e peso aki bek manera cu e tabata posibel y financieramente responsabel y nos a cumpli!
