DIARIO a entrega e prueba di vigilancia mundial di bienestar Aruba
*E parha Phoenix ta simbolo di un mundo cu ta muri pa renace
*Covid-19 a bira creacion di un era economico mundial nobo
ORANJESTAD(AAN)—Pa comprende kico ta pasa awe na mundo, mester di estudio y conocemento di ayera, den cual futuro ta nace.
Como simbolopor uza e parha Phoenix, cu ta kima y muri pa despues bolbe nace for di su propio cenizas.
Final di Siglo 20 a bay acompaña pa cantidad di teoria entorno final di Siglo 19, cu segun varios teoria, lo mester a conduci na aña 2000, ora resultado di tur cambio durante Siglo 20, lo a conduci na “fin di mundo”.
Den e teorianan di “Doomsday”cu tabata wordo presenta na publico, atencion tabata wordo kita for di e transformacion mundial, cu lo mester a alcansa un mundo cu un economia completamente nobo, cu mester a culmina na 2025.
DIARIO continuamente a sigui vigila tur pronostico pa desaroyonan na Siglo 21, den cual mundo lo a conoce un economia mundial cu como base nobo, e avancenan cientifico cu tabata wordo desaroya na velocidad halto.
Cambio den poder economico, cu ta traduci su mes den poder politico y di gobernacion tambe, tabata evidente den Siglo 20, cu a conoce e epoca di decolonisacion y establecimento di cantidad di pais independiente nobo pero tambe cambio grandi den e poder financiero, cu a crea un balanza nobo di poder mundial.
E cantidad di proyeccionnan pa medio di programanan di entre otro Nacionnan Uni, ni sikiera ta wordo recorda den e velocidad cu cual riba tur tereno mundo y poder mundial financiero y economico, a conoce cambio.
Den Siglo 20 ta topa cu pactonan nobo entre paisnan, den cual sigur Union Europeo ta modelo.
Union Europeo no a nace for di e deseo di paisnan pa forma un pais cu un pasaporte nobo pa ciuidadanonan.
Union Europeo a nace na 1951 di e “Europese Gemeenschap voor Kolen en Staal”, cu ta papia aki di interes economico.
El a bira Europese Economische Gemeenschap, cu a cuminsa cu miembrecia di seis pais y a sigui crece pa bira “Europa” cu un poder cu por lanta para contra Estados Unidos, cu ta papia di un asociacion di estadonan den un sistema federal, pero tambe di podernan naci for di dinastia te podernan naci den sistemanan comunista.
E mundo aki a desaroya cambionan grandi cu descubrimentonan enorme cu pa un parti grandi a nace den laboratorionan cientifico pa creacion di mas arma poderoso.
Siglo 19 ta productor di e Epoca di Oro cu a wordo alcansa despues di e destruccion di civilisacion y orden existente dor di Segundo Guera Mundial, cu a crea e era economico, cu ta wordo yama Golden Age, Epoca di Oro.
Segunda Guera Mundial nunca a termina realmente pero a habri porta pa cambionan cu a exigi adaptacionnan economico.
Guera tras guera a sigui alimenta e produccion di placa y a haci cu paisnan cu poder economico y comercial, a reemplaza Reynan y Emperadornan.
Placa a wordo uza pa descubrimentonan historico na bienestar di hende pa loke ta trata salud, pero ora mira atras pa un mihor sistema economico, na cual sigur produccion di mas y mihor arma pa guera cu nunca a termina, a hunga un papel central.
Conocemento humano a percura pa epocanan nobo cu tabata wordo diseña a base di e poder economico y comercial di paisnan.
Tecnologia a avanza cu un rapidez enorme y a comberti tur necesidad humano, di school pa mucha educa nan mes, te e forma cu hende lo biba mas largo .
Planificacion mundial a basa su mes riba 2025 cu un economia mundial nobo, cu a wordo interumpi na 2020 dor di Covid-19 cu a deshaci realmente di loke a resta di sistemanan bieu, pa bini cu sistemanan ultra moderno, cu atrobe necesidad enorme di circulacion di placa pa inversionnan enorme cu e economia mundial nobo, hancra den Inteligencia Artificial, ta rekeri.
DIARIO a prepara Aruba pa e temporada aki y continuamente durante ultimo luna a adverti pa desaroyonan mundial, cu Aruba mester tene na cuenta.
E problemanan mundial actual no mester wordo considera un situacion momentaneo, pero mester wordo midi den e conkista mundial di poder den cual e base financiero mester ta hancra den un economia mundial nobo.
DIARIO durante ultimo simannan a prepara Aruba pa e situacion actual, den cual normalidad mundial a worde interumpi, placa ta move y circula, y economia cu ta basa riba circulacion di placa, ta conoce cambio loke ta resulta den cambio di poder mundial.
DIARIO a bati alarma pa loke por a spera den porta di Semana Santa, pues awe, cu DIARIO ta sigui guia Aruba.
Ayera por a nota con mercado mundial di azeta, a duna un indicacion cu mundo kier sigui lora. Cu e no ta tan facil a bini dilanti den e hecho cu prijs di petroleo a subi, baha pa bolbe subi sin yega 70 Dollar pa baril.
DIARIO ta tene Aruba informa!
