ORANJESTAD(AAN)—Den fin di siman, DIARIO a ricibi un peticion hopi importante di un grupo di Arubiano, cu a expresa cu nan kier felicita Prome Ministro di Aruba Evelyn Wever-Croes cu celebracion di Dia di Mama.
“Aruba tabata tin un mama cu a cuida e pais durante temponan sumamente dificil,” tabata nan palabra.
E forma cu Evelyn Wever-Croes a percura pa e poblacion di Aruba a pasa den un temporada sumamente dificil, ta wordo aprecia dor di Arubianonan na momento cu na 2020 a mira un calamidad bati na porta di Aruba.
“Prome Ministro Evelyn Wever-Croes semper a duna nos speransa y animo mientras e tabata traha riba solucionnan,” nan a trece dilanti.
DIARIO awe ta uni su mes na e palabranan di gratitud y aprecio di Arubianonan na e Mama di Aruba, Prome Ministro Evelyn Wever-Croes.
