ORANJESTAD (AAN): Siman a habri no solamente cu e bon noticia relaciona cu flexibilisacion di medidanan, pero tambe pa loke ta cifranan.
Segun resumen di dialuna 14 persona a recupera, mientras cu a registra un total di 11 caso nobo di Covid-19, di cual 0 ta no-residente.
E cantidad total di testnan ehecuta diadomingo na e diferente localidadnan na Aruba, entre otro laboratorio di hospital, laboratorionan priva y aeropuerto ta 532 test.
'Positivity rate' entre residentenan ta 24 %.
Casonan activo ta 92 (81 residente). E cantidad di fayecido relaciona cu Covid-19 a aumenta na 102. Condolencia y Forsa na famia di e fayecidonan.
Hospital a informa cu tin un total di 9 persona interna di cual 5 ta den Cuido Intensivo y 4 riba unidad general di Covid.
