Dama Italiano di 100 aña a renoba rijbewijs pasobra e kier sigui goza  

ROMA: E dama Candida Uderzo, un habitante di pueblo di Brigenza na parti noordoost di Italia,

a renoba pa dos aña mas su rijbewijs un poco despues cu el a caba di cumpli su di 100 aña di edad.  Despues di a demostra cu e no tin problema di bista ni cognitivo, e departamento di rijbewijs no tabatin problema pa extende pa dos aña mas su permiso pa maneha auto.

   “Ami semper a maneha.  Mi gusta di ta independiente pa no molestia mi yiu homber cada rato.  E renobacion di rijbewijs aki ta hacimi feliz y ta permiti mi sintimi liber bek pa algun tempo mas,” Uderzo a bisa den un entrevista cu e corant ‘Corriere della Sera’, den cual el a reconoce cu e ta considera su mes hopi ‘afortuna’ di no ta sufri di malesanan na su edad halto.

  “Cu mi tin un salud asina bon, ta sorprende mi mes.  Casi nunca mi ta bebe remedi, kizas tin biaha un pildora pa drumi.”

   E secreto pa bo yega na edad di 100 aña lo por ta pa sa con pa goza di bida, segun e experiencia di e señora aki kende a sa di supera momentonan duro.  Algo cu e ta considera como un tragedia grandi den su bida, ta ora cu el a bira viuda ora e tabatin 52 aña di edad.  El a sa di kita e golpi ey di su curpa, door di usa e idea cu pa bo ta bibo, nifica cu bo tin di goza esaki profundamente, y nunca nenga algo, y pesey bo ta haye cada biaha ta haci caminatanan largo cu su amiganan.