ORANJESTAD (AAN): E compania Arupro cu ta situa den Van Galenstraat na San Nicolas, ta uno caminda gerencia for di comienzo semper tabatin atencion,
dedicacion, y mision den bida pa yuda reduci cantidad di sushi riba Aruba, door di bay den direccion di reciclahe.
Pa algun tempo caba na tin un Plastic Recycle Center den e caya, y ademas nan planta di produci productonan quimico, ta haci bon uso di boternan recicla tambe.
E director Andres Hernandez, a splica cu un di su proyectonan cu e tin na mente pa ehecuta kizas pa fin di aña 2023, ta pa drecha e estado di e caminda aki di Van Galenstraat, y converti esaki den e prome caminda y acera (trottoir) cu ta wordo poni cu material di plastic recicla.
E proyecto aki mester bira un ‘showcase’ pa asina demostra con resistente materialnan recicla ta pa construccion di caretera, y tambe acera.
Segun Hernandez, e ta un soño di dje, y e ta mustra cu e lo bay demostra con economico e trabao aki lo bay sali den costo, y cu haciendo mas uso di material recicla, ta necesario pa futuro di e isla.
