SANTO DOMINGO: Daddy Yankee lo bay pone un fin na su carera artistico durante 2022 cu “La Ultima Vuelta World Tour”,
cu ta un gira di despedida cu ta compaña su ultimo disco ‘Legendaddy’, y di e forma aki e ta despedi di tur fanatico.
E Rey di Reggaeton lo presenta na Santo Domingo dia 12 di November den Estado Olympico, y evento ta wordo promovi pa SD Concerts y PAV Events. E siman aki nan a cuminza bende ticket cu descuento di 15% pa esnan cu cumpre cu cierto credit card. Tin prijs cu ta varia di 2.500 Pesos (di 82 Florin) te cu 25.000 Pesos (di 824 Florin).
Daddy Yankee tabata un di e pioneronan di Reggaeton, a impacta mundo ora di anuncia fecha di su tour di despedida cu un mensahe na su fanaticonan via di social media, unda el a bisa cu e ta retira di e industria di musica despues di como 32 aña di trayectoria, 6 studio album, mas di 30 miyon disco bendi, mas di 102 premio gana, y un cantidad di colaboracion musical.
