ORANJESTAD (AAN): Keto bay e wega di Zodiac ta un di esnan popular di Lotto.
Bo ta escoge un number consistiendo di 4 cifra, y agrega un signo zodiacal na dje y bo ta den wega.
Esey ta loke Rosanne a haci, y el a bira feliz notando cu el a gana. Dialuna mes el a acudi na oficina di Lotto na Playa. Aki nan a revisa e ticket, y ora di scan esaki, e compute a indica cu Rosanne a gana 12.500 Florin cu e sorteo di Zodiac Merdia.
Mesora a cuminza cu e proceso pa transferi e premio electronicamente pa su cuenta di banco. Rosanne a bisa cu e ticket ganador mes el a cumpra na Lucky Cher-Ann na Santa Cruz.
