ORANJESTAD (AAN): Informacion di Curacao ta indica cu e Base di Marina Hulandes cu tin na Parera na Curacao, ta habri awor pa su di segundo siman, y publico
en general por acudi eynan tambe pa haya nan vacuna contra Covid-19.
Esaki ta un di e tantisimo localidadnan di vacunacion cu tin na Curacao. Segun informacion, den ocho dia di tempo nan a duna 5.854 inyeccion, cu ta inclui tambe personal di Marina y trahadornan di Guardacosta di Caribe Hulandes. Esaki ta algo cu e oficialnan di Defensa di Caribe Hulandes ta hopi contento cune.
