Cumbre di Koninklijke Maritieme Administratie tumando lugar na Aruba

ORANJESTAD (AAN): E siman aki, Aruba ta anfitrion di e cumbre di ‘Koninklijke Maritieme Administratie’.

   Paisnan den Reino Hulandes a bini hunto pa discuti topiconan relevante den e area di siguridad maritimo, accion riba polucion maritimo y e proteccion di orden publico.

   Rond mundo ta consciente cu sector maritimo tin un importancia strategico pa e economia di un pais, pues un maneho claro ta esencial.

   Segun Ministro demisionario Ursell Arends, lo mas importante si e tin impacto riba turismo, economia di un pais y e dependencia di transporte exterior pa loke ta necesidadnan basico, materia prima y fuente di energia. E reunionnan e siman aki lo enfoca pa fortifica e maneho maritimo den henter Reino Hulandes.