Rino Hermans ta indica:
*Esey ta risico mas grandi cu tin na Aruba
ORANJESTAD (AAN): Tur cos ta indica cu Crisis Management Office (CMO) ta bezig ta invirtiendo den pompnan pa atende cu e tema di inundacionnan, ya cu esaki ta e risico mas grandi cu tin na Aruba. Rino Hermans, director di COM a duna di conoce cu ta haciendo un estudio pa bin cu un sistema di 'pomp' caminda den cuater ora di tempo Aruba por bay bek na normal y no keda dianan largo cu areanan inunda.
Esaki ta un tema cu tin nan atencion y pa cu esaki tin un inversion cuantioso. Hermans a laga sa cu esaki mester wordo haci pasobra mas e inundacion keda, mas impacto e tin ariba e isla. Ningun turista lo bishita un isla cu ta un area di desaster, el a remarca.
Aruba tin cu inverti tambe pa compensa e inversion cu e turista tambe pa haci pa bishita e isla, el a bisa.
Hermans a expresa cu hunto so por atende cu cualkier sistema. Aruba na cierto momento tin un capacidad limita tambe ya cu ta un isla cu cierto capacidad, pero ta keda na cada ciudadano pa prepara cu un plan y sigui e instruccionnan di prensa oficial y no crea panico.
Asina cu CMO y gobierno ta wak cu tin un risico inminente ta yama un rueda di prensa y ta publica pa medio di e canalnan oficial, e director di CMO a finalisa bisando.
