ORANJESTAD (AAN): E situacion di tempo cu e atmosfera instabil di ultimo dos siman, y debi na e hecho cu ultimo dianan tabatin hopi awacero cu a keda registra na Aruba,
ta pone cu dado momento personal di Fundacion Parke Nacional Aruba a tuma un decision riba den fin di siman cu a pasa.
Esey ta cu debi na e awacero pisa aki, y pa seguridad di e Park Rangernan y e bishitantenan tambe den Parke Nacional Arikok, a dicidi cu por lo pronto ta mantene Cueba di Guadirikiri cera.
Segun un informe di Fundacion FPNA, solamente e Cueba di Guadirikiri a wordo cera y esaki ta pa garantisa seguridad di bishitantenan y di nan Park Rangers.
Pues esey nifica cu e.o. e Cueba di Fontein si a keda habri.
