Minister Rocco Tjon:
ORANJESTAD (AAN): Relaciona c' un incidente cu a sosode den fin di siman caminda tabata tin un acto di violencia unda bida di un agente policial a wordo comprometi, Minister di Husticia Rocco Tjon a duna un declaracion diamars mainta durante un conferencia di prensa.
El a expresa cu su ministerio kier manda un mensahe bon cla tambe bisando cu "cualkier acto di violencia contra un agente policial, pero no solamente contra un agente policial, pero cualkier hulpverlener, nos ta condena por completo".
E mandatario a sigui bisa cu di parti di su ministerio hunto cu Cuerpo Policial lo pone tur recurso disponibel pa detene e personanan cu ta culpabel pa cu esaki.
A agrega cu e caso en cuestion ya caba e persona a wordo deteni. Ademas di detencion lo percura tambe, den cuadro di ley, pa uza esaki tambe den e proceso cu ta sigui na Ministerio Publico.
E minister a enfatisa cu cualkier persona cu hinca den su cabes pa uza violencia contra un agente policial cu lo actua cu man duro contra di esaki. No lo tolera esey. Hunto cu Alto Mando ya caba for di siman pasa a anuncia un maneho nobo caminda pa un tempo defini Cuerpo Policial ta bay ta extra visibel riba caya cu mas control ainda.
Lo haci uso di tur oportunidad cu ley ta brinda pa por ehecuta cierto controlnan, Tjon a enfatisa.
