“Roaring Twenties” fundraising event
ORANJESTAD (AAN): Dia 11 di juni, Cruz Cora Aruba ta haci un biahe den tempo y e biaha aki bek na aña 1920! Un epoca cu hopi evento mundial importante y yama e conocido “Roaring Twenties”. Manera ta conoci, Cruz Cora ta gusta duna esun cu atende e fiesta un experiencia unico.
Pa e ultimo 10 aña Cruz Cora ta organiza su fiesta anual pa recauda fondo, fondonan cu ta wordo usa pa financia proyectonan social den comunidad na Aruba. Programa manera: Pan y Sopi (sopi tur siman pa comunidad den necesidad den San Nicolas); Sandwich Day (tambe 2 biaha pa siman); Biba Bida (programa pa nos adultonan mayor); Thriftshops (San Nicolas y Dakota pa yuda esun cu tin un necesidad y budget chikito); Feminine Hygiene package (tur luna ta yuda cu productonan di hygiene femenino na esnan den necesidad). Tambe fondonan ta wordo usa pa training di voluntario, material pa calamidad etc.
E anochi aki ta spera di bira uno hopi ameno y tremendo ambiente. Blue Boulevard lo entretene cu tremendo musica. Romar Trading lo zorg pa un experiencia unico na tur su gusta un bon biña pero tambe lo setup un bar di Johnnie Walker cocktails. L’Oreal tambe lo tey cu un sorpresa! Hodgson Trading lo presenta e excelente biña di cas Wapisa! Wapisa ta conoci pa ta un cas revolucionario situa na e costa di Patagonia.
Y despues di tabata un “Hit” na e evento di algun aña pasa, a invita Palmera Quality Products un biaha como sponsor na Aruba Surfside Marina dia 11 di juni. Nan ta preparando riba e “Welcome drink” special pa e anochi aki.
Cruz Cora Aruba ta ful swing den preparacion pa e gran dia aki y tin ticket na benta na oficina na Dakota y San Nicolas. Por pasa den siman entre 9am-2pm of por reserve ticket na This email address is being protected from spambots. You need JavaScript enabled to view it.
