Cristie Famke Canninga a gradua na Universidad di Aruba

ORANJESTAD (AAN): Un momento di alegria y felicidad, ora cu recientemente un persona mas a gradua na Facultad di Ley na Universidad di Aruba. 

Ta trata aki di Cristie Famke Canninga. El a gradua defendiendo su tesis titula: “Data Sovereignty at Risk.”

   Durante esaki, e miembronan di e comision di examen tabata mr. dr. Chun Luk, tambe prof. dr. Hildegard Schneider representa pa señora mr.  Brechtje Huiskes, y tambe prof. mr. dr. Evert Stamhuis.

   Ora cu el a haya sa cu el a gradua, e tabata inmensamente feliz.  Nan a regal’e un bouquet di flor.  Universidad di Aruba ta felicita Cristie Famke Canninga cu su logro.