ORANJESTAD (AAN): Siman a habri cu un bon noticia, esta cu e conocido Zaida Everon cu tin su panaderia artesanal
riba e caminda paralelo di Avenida Nelson Oduber, a wordo nomina oficialmente pa e ‘2026 Caribbean Baking Awards’ cu lo tuma lugar otro aña durante ultimo weekend di Juli 2026.
Zaida Everon cu su negoshi ‘T2Pan Sourdough Boutique’, cu ta situa na Caya Taratata 11, cu ta den edificio cerca di unda antes tabata KFC riba Avenida Nelson Oduber.
Zaida ta sumamente contento cu su negoshi a wordo nombra pa categoria di ‘Best Bakery Shop of the Year”, y tambe pa e categoria “Best Bread or Dough-Based Product”. Entrega di premio lo bay tuma lugar na isla di St. Maarten.
“E reconocimento aki nifica hopi, y mi no por a haci’e sin e amor y sosten di mi famia, amigonan, y comunidad. Nominacionnan ta habri ainda, y bo por haci esaki di awor te cu 1 di Februari 2026 via website aki:
Despues e votamento publico lo cuminza dia 7 di April 2026.
DIARIO ta felicita Zaida cu e fenomenal nominacion aki, produciendo un pan (specialmente Sourdough) cu hasta turistanan ta acudi na cantidad na su negoshi pa busca esaki.
