ORANJESTAD (AAN): Segun resumen di diaranson, 8 persona a recupera, mientras cu a registra un total di 38 caso nobo di Covid-19, di cual 5 ta no-residente.
E cantidad total di testnan ehecuta diamars na e diferente localidadnan na Aruba, entre otro laboratorio di hospital, laboratorionan priva y aeropuerto ta 585 test.
'Positivity rate' entre residentenan ta 21%.
Casonan activo ta 365 (324 residente). E cantidad di fayecido relaciona cu Covid-19 ta 94.
Hospital a informa cu tin un total di 45 persona interna di cual 17 ta den Cuido Intensivo y 28 riba unidad general di Covid.
